അവള് എന്റെ കൂട്ടുകാരി
വാനോളം സ്വപ്നങ്ങള് നെയ്തവള്
ഏറെ ചിന്തിച്ചവള്
പൂമ്പാറ്റകളെ നെഞ്ചില് ഏറ്റിയവള്
കരി പുരണ്ട കലങ്ങളെയും
പുക നിറഞ്ഞ അടുക്കളയെയും
എരിഞ്ഞു തീര്ന്ന വിറകിനെയും
കവിതകളില് കുറുക്കി കുരുക്കിയവള്
മഷി തീര്ന്ന പേനയെ ഓര്ത്തു നെടുവീര്പിട്ടവള്
അവള് എന്റെ കൂട്ടുകാരി
കരി പുരണ്ട കലങ്ങളെയും
പുക നിറഞ്ഞ അടുക്കളയെയും
എരിഞ്ഞു തീര്ന്ന വിറകിനെയും
കവിതകളില് കുറുക്കി കുരുക്കിയവള്
മഷി തീര്ന്ന പേനയെ ഓര്ത്തു നെടുവീര്പിട്ടവള്
അവള് എന്റെ കൂട്ടുകാരി
കഴിഞ്ഞ മാസം കല്യാണം ,
പതിനാറാം തിയതി രാവിലെ
ഞാന് പങ്കെടുത്തില്ല -മനസ്സാ മംഗളങ്ങള് നേര്ന്നു .
കര്മം ശുഭം , സദ്യ കെങ്കേമം,
പോയവര് പറഞ്ഞു
ഇന്നലെ ഞാനവളെ മൊബൈലില് വിളിച്ചിരുന്നു ,
നിനയാതെ വീണുകിട്ടിയ ഉച്ചമയക്കതിന്നൊരു -
പത്തു മിനിട്ട് കവര്ന്നു
സ്നേഹം പകര്ന്നു
"സുഖമായിരിക്കുന്നോ ?"
മറുപടി , "എടോ..ഇതൊക്കെയങ്ങു ശീലിക്കുക തന്നെ ,
എല്ലാം മറന്നു ആസ്വദിക്കുക തന്നെ!"